Өскемен қаласының тұрғынынан 20 келіден астам кептірілген марихуана тәркіленді.
Жедел-іздестіру шаралары нәтижесінде аталған азаматтың қала аумағында тыйым салынған заттарды сатумен айналысқаны белгілі болды. Аталған іс-шаралар барысында 20 келіден астам кептірілген марихуана тәркіленді, бұл 5000-нан астам бір реттік дозаға тең.
Қазіргі уақытта қылмыстық әрекеттің барлық мән-жайын анықтауға бағытталған тергеу жүргізілуде. Полицейлер есірткі тарату арналары мен ықтимал сыбайластарды анықтау жұмыстарын жалғастыруда.
.jpeg)
Құқық қорғау органдары азаматтарды есірткінің заңсыз айналымына қатысты кез келген мәлімет туралы хабарлауға шақырады. Тек бірлескен күш-жігердің арқасында олардың таралуын азайтып, адамдардың өмірін сақтауға болады.
Сурет: ШҚО ПД баспасөз қызметі
