Бұл туралы Stan.kz ақпарат агенттігі Reuters басылымына сілтеме жасап хабарлайды.

Өлімнің алдын ала себебі – суицид. 2019 жылы танымал фильмде ауқатты отбасының отағасын сомдаған 48 жастағы актёрден полиция есірткіні заңсыз пайдаланды деген айыппен үш рет жауап алған.

Бұқаралық ақпарат құралдарының хабарлауынша, өткен демалыс күндері жауап алу 19 сағатқа созылған. Артынша актёр полицейлерге бардың иесі есірткі қолдануға мәжбүрлегенін айтқан. Актёрдің менеджерінің айтуынша, ол өз-өзіне қол жұмсайтынын хатында жазған.

Оңтүстік Кореяның есірткіге қарсы заңын бұзғаны үшін актёр алты ай қамалуы мүмкін еді. Егер қылмыс қайталанса, 14 жылға дейін бас бостандығынан айыру жазасы қарастырылған.

Режиссёр Пон Джун Хоның "Паразиттер" атты комедиялық триллері 2020 жылы "Оскар" жүлдесін төрт номинация бойынша жеңіп алды: Үздік фильм, Үздік режиссёр, Үздік түпнұсқа сценарий және Үздік халықаралық көркем фильм.

1975 жылы туған Ли Оңтүстік Кореяның “Қауқарсыз" және "Менің әйелім туралы" сияқты фильмдерінде басты рөлдерді сомдаған.